من شدة الشوق

موضوع: من شدة الشوق الجمعة سبتمبر 30, 2011 10:46 am

وجيت من تاني مشتاق

وجِيتَ مِن تاني مُشتاق
أجّابد في خطاوي الريد...
ولي دربكَ مشيت تاني
و لي حُبك كتييير حّنيت
بشتاق ليك .. وبشتاق ليك
وبشتاق لرِمش هَدبك
كتير في ضِلو إتهّنيت
و لي بلاداً
طّيبة من طِينها
جمالها من حّلات عينيك
وليك من تاني جيت صّادي
وليك من تاني جيت راجع
وعرفتا بلاك الدنيا ما بتّتعز
بلاك الدنيا ما بتسوي
وبلاك أيامي في ضُلمة
نورها بيضوي من خّديك
ومن غيرك كفيف بصري
نورو بسرقو من عينيك
وجيتك تاني يا انتا
بلا ميعاد ولا عرفة
وجيتك تاني يا قدري
افتش لشموس تَسعد
لشروقها ومبيتا بين إيّديك
بفتش فيك عن مرفئ
بفتيش فيك عن أزمان
عنها بعدتا كم تهتا

وجيتك ياهمس بكرة
ويا وعداً جميل بالحيل
همسو عليا ما بكفي
ووعدك انتا اصدق قِيل
ما اوهام ...ولا حِرفة
وجيتك يا يا لحن
جووووووووووواي
في عيوني يتدفأ