مشتاق يــــــــــــــمة

هاك يا طير شيل السلام شيل الخير
وديهو لأهلنا الحنان جوة البلد
شوق كتير وسلام كتير وكتير
وكمان فات العـــــــــــــــــــــدد
وقول لأمي وليدك ورِد فاقد
المسوح مسكو الرمد
وحاتك يمة يانسمة المطر
فوف الصباح من يوم مشيت
ودعتي لا نام لا غمــــــد
داير الطروش في العنقريب
والقعدة في الضليل تاكل بليلتا أم زبد
ومشيتي يمة للبلاد جبتي الحطب
حطب كتير ما ليهو حد
رابطة الصمغ فوق الطِريف
وباقي الطِريف ماليلهو جنبك بالعُقد
وفوق القفيفة ورق كتير ودردقو وحبة قرض
وملاح ورق فوق الحليلة
وعصيدة فوق الدوكة في قدح أب زرد
وعشاي انا خاتاهو فوق المشلعيب
ماكسرة ساقطة نازلة زي حجر البرد
مافيش خير حدثني ياطير العصير
ولا كان تراب مصرور بخيط جبتيهو لي من البلد
ماتقولي يمة جناك همل شوقو انتهى وفقد الجسد
رصيت هدومي وعدتي ماسك عديل
بس مسكت جاي البلد داير البلد

أصالة وماضي تليد وطفولة ليتها تعوووووووووووووووووود ولكن بعض المصطلحات لايعرفها جيل اليوم وهي فرصة للتعرف علي ذلك الارث الجميل

النص جميل وصاحب النص أجمل وأروع مع أن الاستاذ /عبد الرحمن الطيب يرى أن بعض مصطلحاتها لا يعرفها جيل اليوم لكنني أقول له أن جيل اليوم يعرف ما هو أكثر من ذلك فهو يعرف المشلعيب والدوكة والمرحاكة والجر والجراب و(القفيفة) و.......... بالإضافة الي العلم الحديث وكيفية التعامل معهُ مثلا لا حصراً الكمبيوترcomputer Mad

كم انت رائع استاذ الاجيال وسراجها المنير والله شوقنا للبلد يزيد يوما بعد يوم والشوق للوالدة اكثر
ولكن ماذا نقول ؟؟؟ لقد فرضت علينا الظروف ان نكون بعيدين جسديا عن الوطن ولكن وجداننا سيظل
معلقا بحب ذاك التراب الجميل .. استاذنا عبدالرحمن نحنا اولاد قرى يعنى بنعرف كل شئ وكل ما ذكر انفا
قد تجده فى كل بيت فى الحلة وقد يكون هناك اناسا لا يعرفون هذا المصطلحات ولى اقتراح ما رأى الاستاذ
سراج ان يكتب لنا عن هذا التراث ومعانى كثير من هذه المصطلحات ؟؟؟ما رأيكم ؟[b]

طارق السمانى كتب:: كم انت رائع استاذ الاجيال وسراجها المنير والله شوقنا للبلد يزيد يوما بعد يوم والشوق للوالدة اكثر
ولكن ماذا نقول ؟؟؟ لقد فرضت علينا الظروف ان نكون بعيدين جسديا عن الوطن ولكن وجداننا سيظل
معلقا بحب ذاك التراب الجميل .. استاذنا عبدالرحمن نحنا اولاد قرى يعنى بنعرف كل شئ وكل ما ذكر انفا
قد تجده فى كل بيت فى الحلة وقد يكون هناك اناسا لا يعرفون هذا المصطلحات ولى اقتراح ما رأى الاستاذ
سراج ان يكتب لنا عن هذا التراث ومعانى كثير من هذه المصطلحات ؟؟؟ما رأيكم ؟

[b]أذكي ذلك الأقتراح فهو رائع فالمفردات التراثية رائعة وجميلة ولكل جيل مصطلحاته ولكن ما أجمل المام الشباب بالتراث وأحلي تلك الكلمات عجبتني الطروش في قصيدة الاستاذ سراج فقلت في نفسي هل يعرفها الكثير من جيل اليوم وعندما اقول جيل اليوم لا أفرق بين القرية أو المدينة فهم جميعآ جيل الفيسبوك ولديهم نفس المصطلحات في التخاطب وقد لا يهمهم كثيرآ معرفة تلك المصطلحات ولكن يجب الالمام با لمصطلحات الأصيلة في تراثنا