ياناسيه وقايلانى متيم بريدك إنتى لسى**
ماحبك من فكري شلتوا وليهو قلبى بدري ودع**
كل ماليك بهواي أقرب ألقى قلبك لي بالريد يباعد
انا العاشق ديما ياانتي عيونك وبالفرقه عينك لي تواعد
ماإنتى علي كتييير عليتى وقلبى وراك بحنيتو صاعد
قلبى ليك مابعرف يجافى بس إنتى الدايره من الريد يقنع
اناالكاتم هواك جواي سنين وياريت لو ليك مافشيتو
لقيتك بتحبى زول غيري وانا علي باقي حبى لميتو
لو عارف مصير ريدك علي كدا أكان زماااان ريدي بالكتمان نهيتو
ما كان انا فى حبك شقيت ولا قلبى فيك يامغروره يطمع
لما افصحت ليك بريدي كانت نشائرك لي سمحه
وكانت أسعد لي لقيه لما شوفت من عينك لمحه
بس ليه بتجرحي قلبى الياداب ضاقلوا لريده فرحه
بشوفك مقصوبه بريدي لكن القصبيه فى الحب مابتنفع
خلاص ياجافية من غرامك انا أعلنت للتوبه
من يوم لي قلتى انامرطبته بإنسان خمسةسنين محسوبه
ليه بتخدعينى بمظاهرك ومن جواكى راجيه يوم الخطوبه
اناأول المهنئين ليك وابقى سعد بسعاتك يوم بيها أسمع
من يوم بحت ليك بهواي انا سامع غراب شومي صايح
ماإنتى كتيير أنصحتي قلبى لكنو عنيد مابسمع نصايح
ماكل العشم جواهو كان راجي عبير ريدك يجيهو فايح
أمشي خلينى فى شقاي ولتمن الفرقه مجبور قلبى يدفع
حليل قلبى المسالم الكان ليك بحبو مخلص و وافي ياخصاره قلبك لقيتو جائر وريده لي جواه مافي
والكلام الفى عيونك عنوانو كان للفرقه كافي
ليك خطاي دئما بتسرع لكن خطاوي ظلمك لي أسرع
حلفتك بالله شخصى العكر صفاك بيه ماتهتمي
ماإنتى إخترتى لحياتك شريك ارجوك بمشاعرو إهتمي
وارجوك انسى احزانى واوعك حزنى فى عينك تلمي
عشان الحابيك مناه يتم وبعيونك الحلوات يتمتع
ماأصلوا عشم العاشقين صون الحب لو ليهو ماتم الوصول
لو ماكدا مافي زول مشاعرو ببوحه مالم بيها يتم القبول
انا الياداب بديت أعشق لكن فيهو مصيري صبح مجهول
غرامي هو الشاقينى وشموس أفراحي غابت ابت تطلع
دونك روحي مابتبقى لكن بس بقت للفرقه منطره
وريدك الشايلوا فى جواي لقيت دئما منو مشاعري بتنضره
ماإنتى مع سواي عائشه وإيه يعنى لي انا منتظره
بس خليك مع الدايره مادام هو ليك منى أنفع
إنتى الدساه جواكى منى لابد للناس يبين يظهر
حقوا لي انا تبيحهو لانى عارف قلبك بيه بنسر
آه انا الكنت بعشق بريد عينك وبغرورك لي ريدا إتعسر
لكن عنيك لو خمن المويه من التراب انا ليهن تانى مابرجع
طريقي الكان صايبو اليباس بيك انتى أصبح أخضر
ليه خليتنى انا التائه الوحيد ودائما علي همي يصيطر
اناالفي إيد ظلمك بقيت واقع وتانى أرض ريدي فيها اليباس أثر
قولى كيف أجنى ثمار حبك وقلبك للبزور الفرقة يزرع
كنت فيك بعشم للتوتر البين أهلنا انا وإنتى نسرع عنو بالإفراج
ونسوقا أحلى قصة حب بينا ويوم داك نفاجئى بيه الزواج
ماأكيد كل طرف منهم يفرح وللاجويد تانى مابحتاج
ونكون كسبنا أجر تراضى الاهل ونعيش فى رحاب أوسع
لكن لقيت عشمي فيك ضائع وقلبك اصلوا لي ابا يفهم
وكل ماليك بحبى أحكي يجينى عزرك ويزيد مافيا من ألم
اناولله عازر مشاعرك اللي مابتريد وشائفه كلامي ليها وهم
وانا مالي غير أرضى بالمكتوب واقول ربى ماأرض بينا يجمع
كلمات:
هجوالبشير محمد
موضوع: ياأأأأأأأناسيه 
الثلاثاء نوفمبر 20, 2012 6:54 am
