[size=1
قالو الشمس أبت المروق
وحردت تفاصيل الشروق
والدنيا لبست توب رضا
جانا المطر من دون بروق
وإتفارقو الزيف والعدم
... وإتصالحو الشوق والغرام
وإتكبكبت كل الحروف قدام هواك غلبه الكلام
وانا وإندهاشي على مجيك
حللنا شوقنا الكان حرام
دقينا ليك رغم الظروف ياغالي تعظيمات سلام
ودخلتنا
ياكا البتستاهل تجينا وتبقى ذاتنا وكلنا
يانا البنستاهل تخونا مع صراعنا وظننا
تفتح مواسمك لي فرح هطال مدفق مننا
ياروعة الريد الصبح بلسم جراحنا وهمنا
ياروعة الشوق البشحتف فينا راجي تطلنا
سادينا من حر الهموم انا والأمل ياضلنا
معقول تجينا معاك بياض الدنيا وتزيل السواد !؟
لاجيتنا ببطاقة دخول لاقلبي عارفلك معاد
يازول محال انساه يوم معقولة انساك مرة عاد !؟
معقولة ماشين في طريق مافيهو غير إحساسنا زاد !؟
رضيان امشي وما اقيف
ونتجاوز اليأس المخيف
واتنسمك ريحة مطر يازول مستف بالخريف
جاييني في عز الجفاف والدنيا كل فصوله صيف !؟
وانا دون عيونك امشي كيف !؟
وانا بعشقك
بس بعشقك
انا بعشق الريد المرق كايس مشاعرك من زمن
وانا بعشق القلب الهواك وإختار مساماتك سكن
وانا بعشق الصمت العشانك غنى وإتحدى ورطن
كل لانهايات العشق مابتسوى في حقك تمن
يازول مستف بي هواو
بندم على كل السنين الإنقضت وانا مامعاو
بندم على عرفة بشر كانت تعب قلبي وأزاو
وانا صبري مابجي من فراغ انا بلقى في ريدك جزاو,,,,,
[/size]
موضوع: من شدة فراقك 
الجمعة يناير 06, 2012 9:58 am