عايز أقولك ياقلبى كلمه وبيها داير أوصيك
وعفوا ياقلبى إذا ليقت فى كلامي شى ماهو برضيك
انت تانى شن داير بالقلب الصبح ناسيك
بشوفك دايما مشغول بيهو لاكنو هو ماطاريك
ولله لو سبتوا ونسيتو أنا عندى أحسن ليك
وليه ياقلبى متعزب فى ريدو مادام أصلوا ماحابيك
ماهو حابى زول غيرك لكن دائما ببسمتو غاشيك
خليك صاحب مبدأ وكمان أمسك قوي فى مباديك
عشان ماتعيش انت مخدوع طول الزمن فى حب مأسيك
ماأصلوا الحب زي شراره ماتدها فرصه تلهب فيك
أوعك تبقى نار لى الحب كل مويت الدنيا ماأظن تطفيك
بس دي نصيحه منى ليهو ياريت قلبى تبقى ناصحاهو
ياخصاره لما جيت أوصيهو لي مافتح أصلوا فاهو
ومنو ماليقيت رد صار منى ساكت بس لي يعاين بعيناهو
وما تكلم اصلوا تانى معانى إلا لامن تم بالحبيب لقاهو
ولامن الحبيب بقالوا قريب حتى بدأ ينطق ويحكى بشفتاهو
وقالى كيف يقدر الزول يتكلم بدون قلبو يكون معاهو
ماهو لى حبيب من زمااان فتح قلبو ودسه قلبى فى جواهو
ماحبى ليهو كان شريف وحبيبى بودوا حضنو وضماهو
ماخلاص سلمتوا قلبى زمان تانى من الصعب أقدر أجفاهو
وكل ماحاولت أشيلو من فكري ألقى قلبى تب مانساهو
خليهو اليمشى لغيري بس اناكفاي قلبى الراح من ضحياهو
كلمات :
هجوالبشير محمد
موضوع: قصيده بعنوان نصيحه لي قلبى 
الأحد نوفمبر 18, 2012 4:16 pm