الحب باالقروش

هو عندك ياقلبى ريد علشان إنت تسأل عنو؟؟كل ماتقول بيهو تحلم أقدارك يجن يشيلنو!! شالن قلبى معاهن ومن الاحبه هنااااك ختنو¤¤اناقلبى شن سوى للاقدار عشان من الخلوق عزلنو¤¤بس اناجوووه افكاري سؤال هن فى بعضين سألنو¤¤هل الجافى قلبى انا ولا قلوب البنات هن الجافنو؟؟ولله دا السؤال البهدل افكاري ولسى ماعرفنو¤¤لو عندي شوية مال أكان دون شك حبى قيمنو¤¤ولو موصوف بسوء الخلق عشان مالو هن بعشقنو¤¤ياحليل حب العفاف ياناس زمان السنين نهنو¤¤وبقن بنات هذا الزمن حب غير قرش أصلو مابسونو¤¤تعال شوف لو جاهن صاحب مال هن جوووه العيون لمنو¤¤ولو جاهن الذي انا الغلبان عليهو قلبن وشيهن صرصرنو¤¤ولو كان اقرب الاقربين ليهن ولله اصلو مابعرفنو¤¤واويلو لو قالو قول حب تبن عليهو ذي النمور نهشنو¤¤وكلهن قامن عليهو وبشين الكلام شتمنو¤¤ولما أصرا بقولو ليهن طوااالى عن وشهن طرضنو¤¤ورجع المسكين بخاطرا مكسور وعلى شوفتن ندمنو¤¤انا داير أوصيك ياقلب اوعى قولي مشاعرك يستنكرنو¤¤الحب باالقروش وإنت عدمان كيفن مشاعرك يطيقنو¤¤ولي الشايفو فيك ياقلب ليك الحب عدم ماتسأل تقول كيفنو¤¤خليك متابع اسعد القلوب وطريقن الفاتنو¤¤يمكن تلقالك ريد بسهوه القلوب سابنو¤¤وليك يبقى نصيب فى الريد الكان زمان مأيس منو¤¤

تأليف:: هجو البشيرمحمد المكي‏ ‏‏ ‏‏‏‏

والله ماشاء الله يا هجو البشير

أبونا الجزولي عليه رحمة الله كان شاعر فحل

فسِر على دربه

» فى ربيع الحب
» من الحب ماقتل